San Diego Trip

Also letschts Wucheend bini uf San Diego mit 5 anderne us minere Schuel. Mer hend es Auto gmietet und sind vo Los Angeles nach San Diego gfahre - isch nid mol so viel Stau und Vercherschaos gsi wiemer erwartet händ =) Jedefalls isch es e lustigi fahrt gsi, was sicher au an mine Mitreisende gläge het. Mit derbi sind gsi d Eva mini Mitbewohnerin, d Laura e anderi Spanierin wo immer mit uns unterwägs isch, de Timo en Schwizer us St.Galle, d Mimosa en Aargauerin und d Sarah eini vo Zug - all sind natürlich einiges älter als ich :P bzw. etz au nüm willi neuerdings luut minere ID 21 bi :P Komischi Sach und so =)

Jedefalls simmer denn mol innere Stadt gsi und da nienets a gschribe gsi isch wo mer sind hemmer öberts gfrogt "Sorry, are we in San Diego now?" - 10 minute luuts glächter - dernoch hämmer checkt das mer in Mitte Down Town San Diego sind.
Da mir gaaar kei Hotel bzw. suscht öbis buecht hend und mir spotan entschiide hend wo ahne hemmer denn sone Israelin gfrogt wo früecher in San Diego gwohnt het, wo me am beste cha schloofe. Sie het uns denne in e Youth Hostel verwiise (bis mer das mol gfunde ka hend -.-). Jedefalls hemmers de gfunde und sind grad mol go chli Alk poste, und boah Strawerberry Vodka mit Monstar Energy Drink isch de hammer - do kasch Vodka Red Bull rauche!

Jedefalls hemmer de chli vorgsoffe und sind denne richtig DownTown mitem Taxi ( d Jogenherberge isch usserhalb gsi). De hemmer welle in e Club und leider leider isch de Türsteher nid so dumm gsi und het checkt das uf de rucksite vo de ID s richtige Geburtsdatum stoht XD päch ka und so^^ Bini halt wider zrug is Hotel bzw. has welle. De Taxifahrer het sich aber glaub liicht imich verschosse und het mer denn abote mich durch ganz San Diego Downtown z fahre damit i nüm so unglücklich bi. Woni de gmerkt ha daser mini Hand chli z viel will id Hand neh hani de afo rede vo mim "ehemaa" in de schwiz etc. er het mini Hand de jedefalls nüm a glanget. Womer wider zrug bim Hotel gsi sind heter denn gfunde er will zum Abschied also schono en kuss ha, bi dem Gedanke en alte maa z küsse isch mer aber denn schlächt worde und i ha gfunde "Gueti Ehefraue küsse keini andere Männer" und bi usgstiige XD (gott sei dank hani das mitem Ehemaa so früeh gsait^^) Zrug im Youthhostel hani denn no e Slowenischs Ehepaar troffe womer de no e paar Stunde zemme gsoffe und gredet hend. Alles in allem e super oobe gsi, vorallem will die andere total entdüscht vo dere Disko zrug cho sind XD

Am nächste Tag simmer früech ufgstande und in e Hotel in mitte vo de Stadt, isch sogar billiger gsi als s Youthhostel. Jedefalls hemmer denne Conorado ( e Insle vor San Diego) und Old Town a gluegt und spöter chli Down Town. De simmer schön go ässe in Hooters und zobe hemmer de wider in Usgang welle - leider wider kei Usgang für Isa will sie überall de Pass hend welle -.- Naja wenigstens bini am Sunntig denne usgschloofe gsi womer nach la jolla gange sind =) Ah und vor La jolla sind mer na in Sea World =)

Jo und denn simmer wider zrug nach L.A.

I muess sage San Diego isch e wunder wunder schöni Stadt. Und d Stränd zum Surfe sind de hammer =)

Has sehr gnosse.